Khit Thit Morning News | 6 July 2026

Khit Thit သတင်းဌာန၏ ဇူလိုင် ၆ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဇူလိုင် ၆ ရက် မနက်ပိုင်း တင်ဆက်ပေးမယ့် သတင်းတွေကတော့
-တရုတ်ကို စိတ်လိုက်မာန်ပါ တုံ့ပြန်လို့မရဘဲ ဆက်ဆံရေးပြန်တည်ဆောက်နိုင်မယ့် မဟာဗျူဟာ မြောက် နည်းလမ်းတွေကို ဆွေးနွေးနေတယ်လို့ အမျိုးသားညီညွတ်ရေး အတိုင်ပင်ခံကောင်စီ (NUCC) အဖွဲ့ဝင် ဦးတိုးကျော်လှိုင်က ပြောပါတယ်။
- လူထုခေါင်းဆောင် ဒေါ်အောင်ဆန်းစုကြည်ရဲ့ ၈၁ နှစ်ပြည့် မွေးနေ့အထိမ်းအမှတ်အဖြစ် သံဃာတော် တွေကို ဆွမ်းလောင်းလှူခဲ့တဲ့ တောင်ဥက္ကလာပမြို့နယ် NLD အမတ်ဟောင်း ဒေါက်တာစောနိုင်ကို နိုင်ငံတော်အကြည်ညိုပျက်စေမှု ပုဒ်မ ၅၀၅ (က) နဲ့ ဖမ်းဆီးအမှုဖွင့်ထားတယ်လို့ NLD ပါတီသတင်း ရင်းမြစ်က ပြောပါတယ်။
- ဧရာဝတီတိုင်း၊ ကြံခင်းမြို့နယ်မှာ အုပ်ချုပ်ရေးမှူးရွေးချယ်ပွဲမှာ မဲရှုံးခဲ့တဲ့ အုပ်ချုပ်ရေးမှူးဟောင်း ဟာ သူ့ရဲ့ လက်ပါးစေတွေနဲ့ပေါင်းပြီး ဒေသခံလူငယ်တွေကို ဥပဒေမဲ့ဖမ်းဆီးကာ စစ်မှုထမ်းဖို့ ပို့ဆောင်နေတယ်လို့ ဒေသခံတွေက ပြောပါတယ်။
တရုတ်နိုင်ငံမှာ လအတော်ကြာ ဖမ်းဆီးထိန်းသိမ်းခံထားရတဲ့ နာမည်ကျော် မြေအောက် ခရစ်ယာန် ဘုရားကျောင်း တစ်ခုရဲ့ တည်ထောင်သူ သင်းအုပ်ဆရာ အက်ဇရာ ဂျင်ကို တရုတ်အစိုးရက ပြန်လွှတ် ပေးလိုက်ပြီး အမေရိကန်နိုင်ငံ လော့စ်အန်ဂျလိစ်မြို့ကို ရောက်ရှိသွားပြီလို့ သူ့ရဲ့မိသားစုနဲ့ ခရစ်ယာန်အခွင့်အရေးအဖွဲ့ China Aid က ထုတ်ပြန်ပါတယ်။

Category : Viajes y eventos

#khit#thit#morning#news#6#july#2026